ro0oshan عضو نشيط
عدد الرسائل : 45 تاريخ التسجيل : 02/08/2008
| موضوع: يعني تحسبين,مابين بعينك,ماكان الفراق,هدوء... الأربعاء أغسطس 20, 2008 2:12 am | |
| +*+ يعني تحسبين +*+
يعني تحسبين أكبر همي أنتي لا و الذي سواك غيرك زيون
ماني بهين شري و يمكن فطنتي من يخطي بوحده أرده بمليون
و إن اسألوا ربعك علامك ذبلتي قوليلهم من حب ذا اللّي تشوفون
ياصلك حكي و إنتي لا استجبتي ما تشوفين اللّي بالقلب مكنون
ترى العقل نعمة و ذا عيبك إنتي غزالة تسرح على وين ما يكون
ما عاد عندي إلاّ ما سمعتي و لو تصبرين شوي يمكن يزيدون
+*+ما بين بعينك+*+ ما بين بعينك على كثر ما جاك
لا واحسافة ليتني ما عطيتك تخطي وعذرك واتحمل خطاياك
هويت غلطاتك كثر ما هويتك ظحيت بالدنيا علشان دنياك
خليت كل اللي يبيني وجيتك
كنت بعيوني وين ما طالع القاك
حتى لو غمضت عيني لقيتك من كثر ما حبك واقدرك واهواك
ما اذكر اني في حياتي عصيتك
ولا فاد كل اللي اسويه وياك
اتعبت قلبي ليتك تحس ليتك
والحين روح ارجوك ساعدني انساك
ولا تجي حتى او اني بغيتك
وان مر في بالي بقايا لذكراك
بحاول انساها مثل ما نسيتك
+*+ ما كان الفرق +*+
والله ما كان الفراق اختياري
ولا عمري اخترت الوصال ولقيته
وأنا أعشقك عشق المَطر للصّحاري
مهما قِسى وقتك علي ما جِفيته
ماكان بعدي عنك بالبال طاري
اخترت بعدي عنك منك ورضيته
لو كنت داري بس لو كنت داري
ما أعطيت لك قلبي وحبّك مشيته
لو مل من صبري حنين انتظاري
ما قلت أبيك ولا رجوعك رجيته
اذبلت من طبعك ورود إعتذاري
عطشان ذوق ولطفكم مارتويته
ليت الزمن يقدر يرد اعتباري
ويبري لهايب قلبي الي كويته
روح مراح الليل والليل ساري
لو كان مهما كان حبك نسيته
+*+ هدوء +*+
هدوء سكون صمت شاحب
لا رفيق لا صديق لا صوت صاحب
مدري لوين راحو الناس
يم الجفا أو يم الاحساس
حتى الدّموع في العيون ذبلت
حتى الظنون في الجروح كبرت
يا غربة الروح قولي وين أروح
في عيني سراب وفهمي وضوح
يا صمتي الساكن في جرحي العقيق
ضاع السفر لكن باقي الطريق
ما بقالي غير الخوف يونسني
صوت الماضي بوجودي يذكرني
ما بقالي أنا إلا أنا
رورح كلّها حزن وعنا
انشاءالله تعجبكم | |
|
TRTooB عضو نشيط
عدد الرسائل : 65 مزاجي : تاريخ التسجيل : 18/08/2008
| موضوع: رد: يعني تحسبين,مابين بعينك,ماكان الفراق,هدوء... الأربعاء أغسطس 20, 2008 7:53 am | |
| رووووووووووووووووووووحي والقلب داعيلج!!!
صح لساااااااانج .. تسلمين .. بس اهذاء حق منوه؟.!!! | |
|
admin Admin
عدد الرسائل : 110 العمر : 33 الموقع : بينـ الثريا تاريخ التسجيل : 31/07/2008
| موضوع: رد: يعني تحسبين,مابين بعينك,ماكان الفراق,هدوء... الأربعاء أغسطس 20, 2008 12:06 pm | |
| صححححححححححح لسانج شاعرتنا شكلي بخليج شاعرة المنتدى لووووووووووووووول | |
|